متجرك على الإنترنت خلال ساعات.
سوبر كتالوج مصمَّم للمتاجر التي تبيع عبر الهاتف. أضِف منتجاتك مرة واحدة — الصور والأسعار والخيارات والإضافات — وشارك رابطًا واحدًا. يتصفّحه زبائنك بالعربية أو بالإنجليزية، ويضيفون ما يريدون إلى السلة، ويرسلون لك الطلب مع العنوان ومنطقة التوصيل. ويبقى ثمن البيع كاملًا لك: نتقاضى ثمن الاشتراك، ولا نأخذ نسبة مما تبيع أبدًا.
كيف بلشت الحكاية
بلشت بسؤال ما كان حدا يعرف يجاوب عليه.
2023
أربعين صورة بألبوم واتساب
صاحبي كان عندو محل صغير. كل ما حدا يسأله شو عندك، يبعتلو نفس الأربعين صورة، وحدة وحدة، ونصّها قديم أصلًا. وما كان لحالو — كل محل بالشارع عندو بضاعة كتير وما عندو وين يعرضها. لا موقع ولا كتالوج، بس معرض صور بالتلفون. الموضوع ضايقني لدرجة إني قررت أعمل إشي.
أول نسخة
ثلاثة، ومحل ورا محل
صحابي الاثنين دخلوا معي، وعملنا أبسط إشي ممكن يزبط: صفحة فيها المنتجات ورابط يبعتو صاحب المحل. ما كان في لوحة تحكّم. لما يتغيّر سعر، صاحب المحل يبعتلنا ونغيّرو بإيدنا. كان شغل عَ وقتنا، بس مشّى الحال.
وصار الحكي ينتقل
وبعدها ٧٠ محل
أصحاب المحلات حكوا لأصحاب محلات غيرهم. كافيهات، وبوتيكات، وإكسسوارات موبايل، ومخبز بشارعين عنّا. صار عنّا حوالي ٧٠ محل، ومعظمهم إجوا لأنّ حدا قريب فرجاهم رابط وقلّهم جرّب هاد.
اليوم
فقرّرنا نبنيه من جديد
النسخة القديمة كانت ماشية لأنّنا نحنا الثلاثة واقفين وراها. وهاد إشي ما بيكبر، وكان بيخلّي صاحب المحل مستني علينا حتى نغيّرلو سعر. سوبر كتالوج هو البناء الجديد، وهالمرّة صاحب المحل هو اللي ماسك كل إشي: القوالب والألوان، والأقسام، والخيارات والإضافات، ومناطق التوصيل، والطلبات أونلاين، وكود QR للباب، وعربي وإنجليزي الاثنين مظبوطين. صرنا نجاوب على الأسئلة بدل ما ندخّل أسعار.
- قوالب للمتجر
- 6
- لغتان، مع دعم الكتابة من اليمين
- 2
- عمولة على مبيعاتك
- 0%
- لفتح متجرك الأول
- $0